بسم الله الرحمن الرحيم
السلام عليكم ورحمة الله وبركاته
والله اني خايف من البنات لا يسوون لي شىء------------------------------>> (عمليه ارهابيه-اختطاف-شىء من هذا القبيل)
المهم ندخل في الموضوع
الثلاث الوجبات الرئيسيه لازم تقعد عليها اول وحده وماتقوم الا اخر وحده جوعانه المسكينه ياحرام هههههههههه واحيانا تزيد وجبات اضافيه اذا كانت الماده دسمه بزود
*تقعد تسوي نفسها طفشانه وتعبانه ويااااربي ماني قادره اذاكر مدري وش فيني حاسه بكتمه يمه ..
الظاهر احد قاري علي والا صاكني عين ...
تقعد امها تقول باسم الله عليك ... تعالي اقرا عليك يابنيتي
كل هذا عشان اذا سقطت يقولون عين هههههههههههههههاي
*بعضهن ينزل عليها وسواس نظافه ايام الامتحانات تتروش الصبح والليل وتستشور شعرها كل مره طبعا مايصير تخليه يخرب وبكره كيف تروح الجامعه والكتاب على جنب طبعا هذي من واجباتها اليوميه ماتقدر تتركها عشان تذاكر مايصير
*هذي تترك الكتاب على جنب وتقوم تقيس فساتين السهرات اللي عندها عشان بعد الاختبارات على طول فيه عرس فلانه بنت فلان لازم تحدد وش تلبس من الحين .....
لا وبعضهم ليلة الاختبار عند الخياطه رايحه تسوي بروفه ههههههههههههاااي الله من قل الدبره بس
*أما هذي تاركه كتابها في الصاله وداخله تكتب ايميل للقروب مو معقول ماقد شاركت ابد ...
جتها الفكره لازم تقوم تكتبها قبل ماتطير
*وبعضهم تنزل عليها صلة الرحم فجأه تقوم تكلم وحده من صديقاتها القدامااا من زمان ماكلمتها ....
تبي تشوف وش صار عليها وتشغلها بالمره عن المذاكر......
حسسد ههههههههههه
*وهذي تنزل عليها الشطاره فجأه تقوم تسوي العشا لاهلها ...
وتغسل الصحون عن الشغاله وتقولها اطلعي نومي انتي خلاص انا اكمل
(مقابل الجيش ولا مقابل العيش)
*وهذي مبتليها ربي بحب الجوال قالبتها تشات حشا مو مسجات وماتصحى على نفسها الا قبل الفجر بساعتين
*وهذي المسيكينه الله من قل الحيله توجع القلب لا قفلت معها قضبت
المخده ونامت لين تصحى وتقول يوووه راحت علي نومه
*وهذي ايام المتحانات تنزل عليها حالات غريبه كل شوي مشتهيه اكله معينه وماتلقى السواق الا رايح جاي رايح جاي.....يعنني اذاكر..
وامها ايه يا بنيتي وش تبين بس.......قال ايش تبي تساعدها عشان تنفتح نفسها للمذاكره ماتدري ان كلذا هروب.......هالنوع ماتنتهي
الامتحانات الا وهي زايده 4-5كيلو
بس لا تزعلو (مزح)
الأربعاء سبتمبر 24, 2008 4:06 pm
..